बिभिन्न रूप र रंगका गुलाबहरू

खडेरिमा राखेको पानी, सुख्खा र बन्जर जमीनमा हानेको कोदालो, बिहान बेलुकाको रेखदेखको करामात स्वरुप बिभिन्न रंग, संख्या, स्वरुप, र आकृतिमा मुस्कुराएका यी गुलाब हेर्दा मन त्यसै त्यसै  पुलकित बन्दों रहेछ। अहिले सम्म धेरै फुल फुले, जुन फुल फुले पनि  यो जस्तो राम्रो त कुनै फुल पनि फुलेन भन्दै हरेक फूलको तारीफ गर्दै आउंदा गुलाब देखे पछि त्यो भनाईलाई परिमार्जन गर्न बाध्य हुनु पर्यो।  हुन त हरेकले यो साल जस्तो जाडो त अहो भन्दै बढाई चढाई गरे जस्तो लाग्नु स्वभाबिक हो, तर यी गुलाबहरू बास्ताबमै मनमोहक छन। तपाईं हरुले जे भने पनि मैले मेरो पसीना संगको आत्मीयताकै कारणले यस्तो मूल्यांकन गरें । आगे यहाहरुको बिचार।