अनौठो कोरोना

ढुंगा खस्यो तलाउमा 

बुहान, मिलान अनि न्युयोर्कमा 

छरियो तरंग  बिषाणुको 

अनौठो कोरोना|

.................

अति सुक्ष्म, देख्नै नसक्ने

 छिर्ने फोक्सो, सास अड्काउने 

चस्मा, किट अजमाउने  

अनौठो कोरोना|

......

युद्ध तेश्रो, हतियार सस्तो

बोक्नै नपर्ने, घोषणा प्रकृतिको

सास फेर्यो, आँफै सर्ने,

अनौठो कोरोना|

.........

महाशक्ति थाकेको

भिडभाड र बोर्डर थुनेको

सबै घर छाउ बनेको

अनौठो कोरोना|

.......

काँडा लाग्ने निजि अस्पताल

रेनकोट र कोर्कोमा चिकित्सक    

 एक्लो मसानघाट, अफ्बाहको खहरे  

अनौठो कोरोना|

....................

ब्याधा लाखमा , मृत्यु हजारमा

मान्छे घरमा, ब्यापार छैन शहरमा

आप्रबासी टनकपुरको नहरमा कि बोर्डरमा  

अनौठो कोरोना|

.......................

अरुबेलामा खोज्दै नखोज्ने

आगलागीमा कुवा खन्ने

हेर्न तिनलाई कसो गर्ने  

अनौठो कोरोना|

.........

बैठक बस्छ दरबार-दरबारमा

बिज्ञ सबै घर घरमा

बोलाउन भन्दा आँफै मिडियामा

अनौठो कोरोना|

.......................